ខេត្តកំពង់ធំ ៖គ្រោះថ្នាក់ចរាចរណ៍បង្ករឲ្យមានភាពភ្ញាក់ផ្អើលមួយបានកើតឡើនៅថ្ងៃពុធ ទី១៧ ខែមិនា ឆ្នាំ២០២១ វេលាម៉ោង១៦ និង៤០ នាទីល្ងាច តាមផ្លូវជាតិលេខ០៦ គីឡូម៉ែត្រលេខ ៩៨/៩៩ចំណុចភូមិថ្លា ឃុំច្រនាង ស្រុកតាំងគោក ខេត្តកំពង់ធំរវាង រថយន្តម៉ាកកូរ៉ូណាបុកមន្ត្រីកងរាជអាវុធហត្ថកំពុង់ចុះបំពេញបេសកកម្ម សហការណ៏ជាមួយកម្លាំងពន្ធដារ ត្រួតពិនិត្យទៅលើមធ្យោបាយដែលមិនបង់ពន្ធ បណ្តាលអោយស្លាប់ពេលបញ្ជូនទៅដល់មន្ទីរពេទ្យបង្អែកបារាយណ៍-សន្ទុក ។ បុរសវ័យចំណាស់ម្នាក់បើករថយន្តម៉ាកកូរ៉ូណាក្នុងល្បឿនលឿនទំនងខ្លាចសម្ថកិច្ចពន្ធដាចាប់ផាកពិន័យរ៉េចង្កូតទៅបុកមន្រ្តីអាវុធហត្ថស្រុកតាំងគោកម្នាក់ដែលជាជំនួយការអាវុធហត្ថស្រុកតាំងគោកដែលឈរនៅចិញ្ចើមថ្នល់ខាងលិចកំពុងបំពេញបេសកកម្មជាមួយមន្រ្តីពន្ធដារបណ្តាលឲ្យស្លាប់។
រថយន្តម៉ាកកូរ៉ូណាពណ៏ ស ពាក់ផ្លាកលេខភ្នំពេញ ២P ៣៦២៨ បើកបរដោយឈ្មោះ ម៉ៅ វឿន ភេទប្រុស អាយុ៦៥ ឆ្នាំរស់នៅភូមិរការ ឃុំសំបួរមាស ក្រុងកំពង់ចាម ខេត្តកំពង់ចាម មុខរបរលក់ដូរ ( ឃាត់ខ្លួននៅអធិការដ្ឋាននគរបាលស្រុកតាំងគោក)។
ចំណែកជនរងគ្រោះឈ្មោះ សាន់ ថា ភេទប្រុស អាយុ ៤៥ ឆ្នាំរស់នៅភូមិថ្នល់ជាតិ ឃុំបារាយណ៏ ស្រុកបារាយណ៏ ខេត្តកំពង់ធំ (ជាជំនួយការមូលដ្ឋានកងរាជអាវុធហត្ថស្រុកតាំងគោក) ។
វត្ថុតាងរថយន្ត០១ គ្រឿងយកមករក្សាទុកនៅអធិការដ្ឋាននគរបាលស្រុកតាំងគោក ។ចំណែកសាកសពជនរងគ្រោះយកទៅធ្វើបុណ្យតាមប្រពៃណី៕
