ខេត្តក្រចេះ ៖ នៅថ្ងៃអាទិត្យ ទី២១ ខែមិនា ឆ្នាំ២០២១ វេលាម៉ោង១១នឹង៤៥នាទី អធិការនគរបាលស្រុកចិត្របុរី បានបញ្ជាផ្ទាល់ឱ្យកម្លាំងព្រហ្មទណ្ឌនៃអធិការរដ្ឋាននគរបាលស្រុកចិត្របុរី សហការជាមួយកម្លាំងប៉ុស្តិ៍នគរបាល រដ្ឋបាលថ្មអណ្ដើក និងកម្លាំងប្រជាការពារបានចុះបង្ក្រាបល្បែងស៊ីសងភ្នាល់ខុសច្បាប់បញ្ជល់មាន់ មួយកន្លែងនៅចំណុចប្រឡោះព្រួញ ស្ថិតនៅក្នុងភូមិសាស្ត្រ ភូមិសំពុង ឃុំថ្មអណ្ដើក ស្រុកចិត្របុរី ខេត្តក្រចេះ ។នៅពេលដែលកម្លាំងសមត្ថកិច្ចចុះទៅដល់ អ្នកញៀនល្បែងទាំងអស់បានរត់គេចខ្លួនបាត់ស្រមោល បន្សល់ទុកនៅតែសម្ភារៈនិងវត្ថុតាងមួយចំនួននៅនឹងកន្លែង.រួមមានទី១អង្រុតក្រុងមាន់ចំនួន១ ទី២ កញ្ចក់១ផ្ទាំង ទី៣ តង់បាំងសង្វៀនមាន់១ខ្សែ ។វត្ថុតាងទាំងអស់ត្រូវបានកម្លាំងដុតបំផ្លាញចោលហ្នឹងកន្លែងតែម្ដង។
នៅថ្ងៃដដែលនេះដែរ កម្លាំងអធិការដ្ឋាននគរបាលស្រុកចិត្របុរី បានចុះបង្ក្រាបពីរ ទីតាំងខុសៗគ្នា ដោយឡែកកម្លាំងព្រហ្មទណ្ឌមួយក្រុមទៀតបានចុះបង្ក្រាបល្បែងស៊ីសងដោយខុសច្បាប់ មានលេងបៀរ មួយកន្លែងនៅចំណុច ដើមពុទ្រា ក្នុងភូមិសាស្ត្រ ភូមិអាលច ឃុំកន្ទួត ស្រុកចិត្របុរី ខេត្តក្រចេះ ។នៅពេលដែលកម្លាំងសមត្ថកិច្ចបានចុះទៅដល់ អ្នកញៀនល្បែងទាំងនោះបានរត់គេចខ្លួនបាត់អស់ បន្សល់ទុកនៅនឹងកន្លែងមានបៀរ ចំនួន៣ហ៊ូ កំរាលភួយចំនួន២ ស្បែកជើងចំនួន៥គូរ ម៉ូតូចំនួន៣គ្រឿង។វត្ថុតាងទាំងអស់ត្រូវបានយកមករក្សាទុកនៅកន្លែងអធិការដ្ឋាននគរបាលស្រុកទាំងអស់ ៕
