ខេត្តបាត់ដំបង ៖ កាលពីថ្ងៃទី១៨ ខែកញ្ញា ឆ្នាំ២០២១ ត្រង់ចំណុចចំការ ឯកឧត្តម ប៉ុល សារឿន ស្ថិតក្នុងភូមិអំពឹប ឃុំមានជ័យ ស្រុកសំឡូត បុរសម្នាក់រងរបួសស្រាល ក្នុងករណីផ្ទុះមីនតោន ខណៈកំពុងបើកអេស្ការវ៉ាទ័រមួយគ្រឿងកាយដីព្រៃ។
ជនរងគ្រោះឈ្មោះ ណយ ប៊ុន ភេទប្រុស អាយុ៣៦ឆ្នាំ រស់នៅខេត្តក្រចេះ ។ចំណែកកអេស្ការ រងការខូចខាត ត្រង់ផ្នែកកញ្ចក់ខាងមុខ។ លោកអធិការស្រុក បានឱ្យដឹងថា ចំណុចដែលមានករណីផ្ទុះមីនតោននេះ ជាសមរភូមិប្រយុទ្ធគ្នាពីមុនមក ហើយរហូតមកដល់ពេលនេះមិនទាន់មានការបោសសំអាតរំដោះយកយុទ្ធភ័ណ្ឌពីក្នុងដីអស់នៅឡើយទេ។ នៅពេលនេះមន្ត្រីជំនាញនៃអង្គភាពស៊ីម៉ាកCMAC បានពិនិត្យនិងហ៊ុំព័ទ្ធចំណុចនោះទុកដើម្បីធ្វើការបន្តនៅថ្ងៃស្អែកទៀត ៕
