មានមនុស្សបីប្រភេទនិន្នាការ ដែលបានចាត់ទុកមេដឹកនាំកម្ពុជារូបនេះជាគោលដៅប្រឆាំងនិងជាសត្រូវរបស់ខ្លួនគឺ :
?? ក្រុមមាននិន្នាការ « សាធារណរដ្ឋនិយម » ដែលបានឃុបឃិតគ្នាលក់អធិបតេយ្យភាពជាតិអោយបរទេសដើម្បីមហិច្ឆតាអំណាចខ្លួន ធ្វើរដ្ឋប្រហារសម្តេចព្រះនរោត្តមសីហនុថ្ងៃ១៨ មិនា ឆ្នាំ១៩៧០ ។ បច្ចុប្បន្នក្រុមមនុស្សនេះនៅសេសសល់មួយចំនួនភៀសខ្លួនទៅរស់នៅក្រៅប្រទេសក្រោយចាញ់សង្គ្រាមឆ្នាំ១៩៧៥ ។
?? ក្រុមដែលមាន « និន្នាការក្រហម » ក្រុមនេះក៏នៅមានរស់នៅក្រៅប្រទេស ក្រោយរបបរបស់គេត្រូវបានដួលរលំក្នុងឆ្នាំ១៩៧៩ ។
?? ក្រុមតាំងខ្លួនជាអ្នកប្រជាធិបតេយ្យ តែនិន្នាការរបស់គេល្បាយដោយសាធារណរដ្ឋនិយមនិងខ្មែរក្រហមនិយម ។ ក្រុមនេះគេបានយកមាគ៌ានយោបាយរបស់ក្រុមសាធារណរដ្ឋនិយមនាទសវត្ស៧០មកដើរបន្តដើម្បីឆ្ពោះទៅសម្រេចគោលដៅផែនការយុទ្ធសាស្ត្ររបស់គេគឺ « បដិវត្តពណ៌ » ផ្តួលរំលំសម្តេចហ៊ុនសែន ដោយមានក្រុមអ្នកនយោបាយអភិរក្សនិយមអាមេរិកមួយចំនួនជាអ្នកផ្តល់យុទ្ធសាស្ត្រ ។
បច្ចុប្បន្ន មនុស្សទាំងបីប្រភេទនិន្នាការនេះពួកគេបាននិងកំពុងរួមគ្នារិះរកគ្រប់មធ្យោបាយដើម្បីទាញកម្ពុជាអោយវិលទៅរកគន្លងមេរៀនអតីតកាលវិញ ប៉ុន្តែពួកគេត្រូវទទួលបរាជ័យនិងនៅតែចិញ្ចឹមមហិច្ឆតាអនុវត្តផែនការរបស់គេជានិច្ច ។ កម្ពុជាពិតជាមានភ័ព្វសំណាង ដែលបានទប់ស្កាត់និងចាត់វិធានការទាន់ពេលវេលាចំពោះអំពើក្បត់ជាតិរបស់អតីតមេដឹកនាំគណបក្សសង្គ្រោះជាតិ បើមិនដូច្នោះទេ សង្គ្រាមនឹងផ្ទុះឡើងកាលពីឆ្នាំ២០១៣ ហើយមកដល់ពេលនេះ យើងក៏មិនបានដឹងពីស្ថានភាពប្រទេសយើងយ៉ាងណាដែរ ។ ស្ថិតក្នុងបរិបទ ប្រជាធិបតេយ្យសេរីពហុបក្ស ប្រជាពលរដ្ឋកម្ពុជាបានសម្រេចចិត្តយ៉ាងត្រឹមត្រូវបំផុតក្នុងការបោះឆ្នោតជូនគណបក្សប្រជាជនកម្ពុជា ដើម្បីរក្សានិរន្តរភាព« សន្តិភាព » ដោយផ្តល់ទំនុកចិត្តយ៉ាងកក់ក្តៅបំផុតចំពោះសម្តេចអគ្គមហាសេនាបតីតេជោហ៊ុនសែនក្នុងការដឹកនាំប្រទេស ៕
