ខេត្តកំពង់ឆ្នាំងៈ ៖ នៅថ្ងៃទី២៦-២៧ ខែមករា ឆ្នាំ២០២២ ឯកឧត្តម សៀត គឹមលៀង សមាជិកយុវជនគណបក្សថ្នាក់កណ្តាល អនុប្រធានប្រចាំការយុវជនបក្សខេត្ត ដោយមានការចូលរួមពីឯកឧត្តម ពៅ ស៊ីថា លោក ដោក ប៊ុនថុន លោក ងិន ហ៊ុន លោក ឈួរ ច័ន្ទឫទ្ទី អនុប្រធានយុវជនបក្សខេត្ត បានជួបសំណេះសំណាល និងប្រគល់ជូនសម្ភារ: គ្រឿងឧបភោគ បរិភោគថវិកាដែលជាអំណោយដ៏ថ្លៃថ្លារបស់ឯកឧត្តម
បណ្ឌិត ហ៊ុន ម៉ាណែត សមាជិកគណ:អចិន្រ្តៃយ៍គណ:កម្មាធិការកណ្តាល និងជាប្រធានយុវជនគណបក្សថ្នាក់កណ្តាល ជូនដល់និវត្តជន៤នាក់នៅខេត្តកំពង់ឆ្នាំងដែលបានរួមចំណែកក្នុងបុព្វហេតុការពារ កសាងជាតិកន្លងមក។
មានប្រសាសន៍សំណេះសំណាលក្នុងឱកាសនោះ ឯកឧត្តម សៀត គឹមលៀង បានពាំនាំនូវប្រសាសន៍ផ្តាំផ្ញើ ការសាកសួរសុខទុក្ខ ពីសំណាក់ឯកឧត្តមបណ្ឌិត ហ៊ុន ម៉ាណែត សមាជិកគណ:អចិន្រ្តៃយ៍គណ:កម្មាធិការកណ្តាល និង ជាប្រធានយុវជនគណបក្សថ្នាក់កណ្តាល និង ឯកឧត្តម ស៊ុន សុវណ្ណារិទ្ធិ ប្រធានគណ:កម្មាធិការគណបក្សប្រជាជនកម្ពុជាខេត្តនិងជាប្រធានប្រធានយុវជនគណបក្សប្រជាជនកម្ពុជាខេត្តកំពង់ឆ្នាំង ដែលកន្លងមកឯកឧត្តម តែងតែយកចិត្តទុកដាក់ដល់មន្រីចូលនិវត្តន៍ ជនពិការ ដែលបានលះបង់កំលាំងកាយចិត្តដើម្បីបំរើជាតិមាតុភូមិ មិនដែលភ្លេចនូវគុណបំណាច់ដ៏ធំធេងរបស់បងប្អូនឡើយ។
ឯកឧត្តម សៀត គឹមលៀង ក៏បានផ្តាំផ្ញើដល់មន្រ្តីចូលនិវត្តន៍ទាំង៥អោយខិតខំថែទាំសុខភាពអោយបានល្អ បន្តអនុវត្តនូវវិធានការរបស់ក្រសួងសុខាភិបាល និងអនុវត្តតាមអនុសាសន៍របស់សម្តេចប្រមុខរាជរដ្ឋាភិបាល គឺ៣កុំនិង៣ការពារអោយបានជាប់ជាប្រចាំនិងចូលរួមចាក់វ៉ាក់សាំងបង្តើតភាពផ្សំក្នុងសហគមន៍ដើម្បីកាត់ផ្តាច់បានទាំងស្រុងការចម្លងជំងឺកូវីដ១៩ប្រភេទថ្មីអូមីក្រុងពីក្នុងគ្រួសារនិងសហគមន៍យើង។
ឯកឧត្តម សៀត គឹមលៀង អ្នកចូលរួមបានចែកអំណោយររបស់ឯកឧត្តមបណ្ឌិត ហ៊ុន ម៉ាណែត ដល់និវត្តន៍ជនទាំង៤នាក់ក្នុងម្នាក់ៗទទួលបាន អង្ករ ២៥គ.ក្រមី១កេស ទឹកស៊ីអ៊ីវ១យួរ ទឹកត្រី១យួរ ម៉ាស់១ប្រអប់ ជែល២ដប និង ថវិកា ១៤០.០០០ រៀលផងដែរ៕
