ខ្ញុំយល់ពីអារម្មណ៍នៃការភ័យខ្លាចរបស់បងប្អូន ទើបបានជាខំបញ្ជូនសារចែករំលែករាល់ព័ត៌មាន គ្មានប្រភពច្បាស់លាស់ទៅដល់បងប្អូន មិត្តភក្តិអោយបានដឹងនិងដើម្បីបង្ការ ។
ពាក្យខ្មែរយើងបាននិយាយថា៖ « ក្អែក១ជាក្អែក១០ » មានន័យថា លឺត្រឹមមួយ តែពេលនិយាយប្រាប់តគ្នាវា ឡើងដល់ទៅ ១០ ។ ការបញ្ចូនព័ត៌មានគ្មានប្រភពច្បាស់លាស់ណឹងហើយ ដែលជាហេតុធ្វើអោយអ្នកទទួលខ្លះកើតចិត្តជ្រួលច្របល់ មានការភ័យខ្លាចជ្រុល ។
កត្តាសំខាន់ សូមបងប្អូនស្តាប់តាមការណែនាំរបស់ក្រសួងសុខាភិបាលអោយបានត្រឹមត្រូវ ហើយសូមជឿតែព័ត៌មានដែលផ្សាយចេញពីក្រសួងសុខាភិបាល ចេញពីថ្នាក់ដឹកកំពូលរបស់ប្រទេស អាជ្ញាធរឬសារព័ត៌មានធំៗបានហើយ កុំចេះតែជឿហ្វេសបុកបង្ហោះគ្មានប្រភពច្បាស់លាស់ពេក នាំអោយមានការភ័យខ្លាច ។
បច្ចុប្បន្ន ក្រសួងសុខាភិបាលនិងស្ថានប័នពាក់ព័ន្ធរបស់ជាតិបាននិងកំពុងយកចិត្តដាក់ខ្ពស់បំផុតអំពីស្ថានភាពជំងឺរលាកសួតប្រភេទថ្មីនេះ ។ ទន្ទឹមនេះក៏សំណូមពរបងប្អូន មេត្តាកុំចេះតែនាំគ្នាផុសផ្តេសផ្តាស់នូវព័ត៌មានដែលខ្លួនយល់មិនច្បាស់ ពីព្រោះ អាចនាំអោយមានការយល់ច្រឡំ ៕
