ភ្នំពេញ ៖ បុរសម្នាក់បានបើករថយន្តសេរីទំនើបមួយគ្រឿងជ្រុលទៅបុកបង្កាន់ដៃស្ពានអាកាសស្ទឹងមានជ័យបណ្ដាលឲ្យរថយន្តក្រឡាប់កាលពីម៉ោង១និង១០នាទីយប់រំលងអធ្រាតឈានចូលថ្ងៃទី២២ ខែកុម្ភះ ឆ្នាំ២០២០ ស្ថិតតាមបណ្ដោយផ្លូវ២៧១ ចំនុចគល់ស្ពានស្ទឹងមានជ័យ(ខាងត្បូង) ក្នុងសង្កាត់ទំនប់ទឹក ខណ្ឌបឹងកេងកង ។
យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសខាងលើបើករថយន្តសេរីទំនើបម៉ាកLAND ROVER Discovery ពណ៌ទឹកប្រាក់ ពាក់ស្លាកលេខភ្នំពេញ2S-7788 ធ្វើដំណើរក្នុងទិសដៅពីត្បូងទៅជើងក្នុងល្បឿនលឿន ខណៈមកដល់ចំនុចកើតហេតុបានជ្រុលទៅបុកបង្កាន់ដៃស្ពានអាកាសស្ទឹងជ័យបណ្ដាលឲ្យរងការខូចខាត ហើយរថយន្តបង្កបានក្រឡាប់ផ្ងាជើងម្ខាងនៅលើស្ពានសំណាងល្អម្ចាស់រងរបួសស្រាល ។
ក្រោយកើតហេតុសមត្ថកិច្ចមូលដ្ឋានបានទាក់ទងសមត្ថកិច្ចជំនាញចរាចរណ៍ផ្លូវគោក ឲ្យចុះមកវាស់វែងយករថយន្តបង្កទៅរក្សាទុករងចាំដោះស្រាយតាមផ្លូវច្បាប់ ៕
