អរគុណសន្តិភាព! ..
ព្រឹកថ្ងៃទី២៩ ខែកុម្ភៈ ឆ្នាំ២០២០ ឯកឧត្តម អ៊ឹង គឹមលាង អភិបាលរងនៃគណៈអភិបាលខេត្ត និងជាប្រធានកិត្តិយស ស យ ស ស តំណាងដ៏ខ្ពង់ខ្ពស់ ឯកឧត្តមបណ្តិត ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បានដឹកនាំកម្លាំងយុវជន ស.យ.ស.ស ខេត្តពោធិ៍សាត់ អភិបាលរងក្រុង ព្រមទាំងអាជ្ញាធរមូលដ្ឋាន ចូលរួមប្រគល់ផ្ទះមួយខ្នង ទំហំ ៥×៧ គ្រឿងឧបភោគបរិភោគ និងថវិកាមួយចំនួន ជូនដល់អ៊ំស្រី ដែលជាស្ត្រីមេម៉ាយ មានកូន៥នាក់ក្នុងបន្ទុក ឈ្មោះ ទឹម សារឿម រស់នៅភូមិដប់បាត សង្កាត់លលកស ក្រុងពោធិ៍សាត់ ខេត្តពោធិ៍សាត់ ដោយសារផ្ទះចាស់របស់គាត់ត្រូវបានអគ្គីភ័យលេបត្រាបាក់កាលពីថ្ងៃទី២០ ខែមករា ឆ្នាំ២០២០ ។
ក្នុងនោះឯឧ បានមានមតិថ្លែងអំណរគុណដល់ សមាជិកសមាជិការ ស.យ.ស.ស ខេត្តពោធិ៍សាត់ ពិសេស អនុសាខាក្រុងពោធិ៍សាត់ ដែលបានផ្តេីមគំនិតកៀងគរមូលនិធិមនុស្សធម៌ប្រមូលបានថវិកាចំនួន១០លានរៀល និងចំណាយពេលវេលាសាងសង់អស់រយៈពេលមួយសប្ដាហ៍ ។ ហេីយឯកឧត្តមក៏សូមជូ នពរឱ្យកម្លាំងយុវជនមនុស្សធម៌ជួយដល់ជនទុរគតមួយនេះ នៅតែបន្តពួតដៃសាមគ្គីគ្នាបន្តទៅមុខជានិច្ច ។
មិនត្រឹមតែប៉ុណ្ណោះឯកឧត្តមបានផ្តាំផ្ញេីជូនដល់ប្រជាពលរដ្ឋដែលរស់នៅក្នុងភូមិដប់បាត ពីអ្វីដែលគាត់បានទទួលនៅថ្ងៃនេះថា៖ គ្រប់យ៉ាងដែលគាត់ទទួលបានមកនេះ គឺទទួលបានក្រោមស្ថិរភាពសន្តិភាព ក្រោមការដឹកនាំរបស់រាជរដ្ឋាភិបាល ហេីយបេីស្ថិរភាពសន្តិភាពគ្មានលំនឹងទេ យេីងគ្រប់ក៏គ្នាគ្មានឱកាសចែកទានដេីម្បីបង្កេីនភាពស្និទ្ធស្នាល បង្ហាញពីក្ដីស្រឡាញ់ និងសាមគ្គីភាពខ្មែរនិងខ្មែរនោះដែរ ។ ដូច្នេះយេីងគ្រប់គ្នាគួរគប្បីចូលរួមថែរក្សា ការពារសុខសន្តិភាពដែលយេីងគ្រប់រូបកំពុងតែទទួលបាន ក្រោមការផ្តល់ជូនរបស់ប្រមុខរាជរដ្ឋាភិបាល ។
ជាចុងក្រោយឯកឧត្តម សំណូមពរសូមឱ្យក្រុមការងារប្រធាន អនុប្រធាន ស .យ.ស.ស ខេត្តក្រុងស្រុក ជួយបណ្តុះបណ្ដាលបន្ថែមដល់យុវជនស្មគ្រ័ចិត្តដែលមានអាយុជាង១០ឆ្នាំទាំងនេះ ត្រៀមសម្រាប់អង្គរសង្ក្រានក្នុងខេត្តពោធិ៍សាត់ ក្នុងទិវាបុណ្យចូលឆ្នាំប្រពៃណីជាតិខាងមុខនេះ ៕
