រាជធានីភ្នំពេញ ៖ ព័ត៌មានពីផេកអគ្គស្នងការនគរបាលជាតិ នៅព្រឹកថ្ងៃទី៤ ខែវិច្ឆិកា ឆ្នាំ២០២០ ក្រុមប្រតិបត្តិការនៃគណៈកម្មការ ចម្រុះបង្ក្រាបការលេងល្បែងកាស៊ីណូឆ្នោត ឡូតូ ភ្នាល់បាល់ភ្នាល់អនឡាញ និងល្បែងភ្នាល់ខុសច្បាប់គ្រប់ប្រភេទ បានចុះពិនិត្យ ក្រុមហ៊ុន ស៊ិន នីវ ដែលមានទីស្នាក់ការនៅកោះពេជ្រ រាជធានីភ្នំពេញ និងបានរកឃើញថា តំណាងចែកចាយមួយចំនួនពិតជាបានធ្វើអាជីវកម្មឆ្នោតប្រភេទ Keno ប្រាកដមែន ។ ដូច្នេះ ល្បែងស៊ីសងអនឡាញ ខេនណូ Keno online ត្រូវបានបិទទូទាំងប្រទេស ដោយពុំអនុញ្ញាតឲ្យធ្វើអាជីវកម្មឆ្នោតប្រភេទ Keno ចាប់ពីថ្ងៃនេះតទៅ ។
ប្រជាពលរដ្ឋអរគុណនាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងមន្ត្រីក្រសួងសេដ្ឋកិច្ច និងហិរញ្ញវត្ថុ ដែលបានទទួល យកសំណូមពរមហាជន ហើយចុះបិទល្បែងស៊ីសងប្រភេទនេះ មិនអោយមានតទៅទៀត ព្រោះមានអ្នកចាញ់ល្បែងនេះសល់តែគូទខោច្រើនណាស់៕
