អន្តររជាតិ ៖ ប្រធានាធិបតីអាមេរិក លោក Joe Biden បាននិយាយនៅមុនជំនួបរបស់លោកជាមួយនាយករដ្ឋមន្ត្រីអង់គ្លេស លោក Keir Starmer ថា លោកមិនដែលគិតច្រើនពីសមភាគីរុស្ស៊ីលោក Vladimir Putin ទេ។
នៅពេលអ្នកសារព័ត៌មានសួរថា តើលោកគិតយ៉ាងណាចំពោះការលើកឡើងរបស់លោក ពូទីន ទាក់ទងនឹងការពិតដែលថាប្រទេសណាតូបច្ចុប្បន្នកំពុងគិតថាតើត្រូវចូលរួមដោយផ្ទាល់នៅក្នុងជម្លោះអ៊ុយក្រែនឬអត់នោះ លោក Biden ឆ្លើយថា ខ្ញុំមិនគិតច្រើនអំពីលោក វ្ល៉ាឌីមៀ ពូទីន នោះទេ។ នេះបើតាមសារព័ត៌មានសេតវិមាន បានរាយការណ៍ ។
មេដឹកនាំរុស្ស៊ី បានប្រាប់ប្រព័ន្ធផ្សព្វផ្សាយមុននេះថា បណ្តាប្រទេសណាតូមិនមែនគ្រាន់តែជជែកគ្នាអំពីលទ្ធភាពដែលក្រុងគៀវប្រើអាវុធរយៈចម្ងាយឆ្ងាយរបស់បស្ចិមប្រទេសប៉ុណ្ណោះទេ ប៉ុន្តែពួកគេកំពុងគិតជាសំខាន់ថាតើត្រូវចូលរួមដោយផ្ទាល់នៅក្នុងជម្លោះអ៊ុយក្រែនឬអត់។
លោកពូទីន ក៏បានសង្កត់ធ្ងន់ផងដែរថាការចូលរួមដោយផ្ទាល់ពីបណ្តាប្រទេសលោកខាងលិចក្នុងជម្លោះអ៊ុយក្រែននឹងផ្លាស់ប្តូរគោលនយោបាយរបស់ខ្លួន ហើយថារុស្ស៊ី នឹងធ្វើការសម្រេចចិត្តសមស្របដោយផ្អែកលើការគំរាមកំហែងនឹងត្រូវធ្វើឡើង៕
