ខេត្តបន្ទាយមានជ័យ ៖ ស្ត្រីជាម្ដាយបានអោបនិងស្រែកទ្រហោយំសោកបោកខ្លួនចំពោះសពកូនប្រុសពៅ ដែលត្រូវបានកូនប្រុសច្បងដែលត្រូវជាបង្កើតម្នាក់ទៀតបានវាយសម្លាប់នឹងចបជីកដងដែក។ឃាតកម្មបានកើតឡើងនៅយប់ថ្ថ្ងៃទី១២ ខែតុលា ឆ្នាំ២០២៤ នៅភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
សមត្ថកិច្ចអោយដឹងថា ៖ ជនសង្ស័យឈ្មោះ ស្រង់ សុវណ្ណ ភេទប្រុសអាយុ៣២ឆ្នាំ មុខរបបរត់តាក់ស៊ី ស្នាក់នៅភូមិកើតហេតុ ត្រូវជាបងប្រុសបង្កើត ។
ចំណែកជនរងគ្រោះឈ្មោះស្រង់ នេត្រា ភេទប្រុសអាយុ៣០ឆ្នាំ មុខរបបលក់បាយ ស្នាក់នៅភូមិសូភី សង្កាត់កំពង់ស្វាយ ក្រុងសិរីសោភ័ណ។ ត្រូវជាប្អូនបង្កើតរបស់ជនសង្ស័យ ។
បើតាមបងស្រីបង្កើតរបស់ជនបង្កនិងជនរងគ្រោះបានប្រាប់ថា ៖ មូលហេតុដែលបងប្រុសវ៉ៃសម្លាប់ប្អូនប្រុសបង្កើតនេះ មកពីប្អូនប្រុសបានធ្វើផ្ទៈអោយម្តាយស្នាក់នៅ ព្រោះឪពុកបានស្លាប់ទៅ ម្តាយពុំមានលទ្ធភាព ។ប៉ុន្តែឈ្មោះ ស្រង់ សុវណ្ណ ជាបងបាននាំប្រពន្ធកូនមករស់នៅដែរជាមួយម្តាយទៅវិញ។មានរឿងឈ្លោះប្រកែកគ្នាធ្លាប់ប្រមាថរកសំលាប់ប្អូនប្រុសពៅ ហើយបានប្តឹងផ្តល់នៅទីបញ្ជាការមូលដ្ឋានកងរាជអាវុធហត្ថក្រុងសិរីសោភ័ណត្រូវបានធ្វើកិច្ចសន្យា១ដងទៅ២ដង។
ក្រោយពីយកចបជីកដែកសំពងក្បាលប្អូនប្រុសស្លាប់ហើយ ជនដៃដល់ដើរទៅប្រាប់ម្តាយដែលកំពុងទៅលេងផ្ទៈអ្នក់ជិតខាង ហើយជនដៃដល់គេចខ្លួនបាត់ ចំណែកម្តាយស្រែកទ្រហោយំមកមើលសពកូននៅផ្ទៈស្រែកឲ្យអ្នកជិតខាងជួយ។
ប្អូនពៅបានទៅលេងផ្ទៈម្តាយឃើញបងប្រុសឈ្មោះ ស្រង់ សុវណ្ណ នាំប្រពន្ធកូនមករស់នៅផ្ទៈដែលខ្លួនធ្វើទុកអោយម្តាយរស់នៅ ក៏មានការឈ្លោះប្រកែកគ្នា។
នៅពេលនោះ ម្តាយបានទៅលេងផ្ទៈអ្នកជិតខាង។នៅពេលឈ្លោះគ្នា ត្រូវបានបងប្រុសចាក់សោមុខផ្ទៈហើយយកចបជីកដែកវ៉ៃក្បាលពីក្រោយចំនួន៣ចបបណ្តាលស្លាប់ភ្លាមៗក្នុងថ្លុកឈាម។
ហើយជនដៃដល់បានដើរទៅប្រាប់ម្តាយគេបានវ៉ៃសំលាប់ប្អូននៅផ្ទៈហើយរួចក៏គេចខ្លួនបាត់។
ក្រោយភ្លាមៗឃើញកម្លាំងនគរបាលក្រុងសិរីសោភ័ណនិងកម្លាំងកងរាជអាវុធហត្ថក្រុសិរីសោភ័ណហើយកម្លាំងស្នងការដ្ឋាននគរបាលខេត្តបន្ទាយមានជ័យបានចុះពិនិត្យធ្វើកោសលវិច្ឆ័យជនរងគ្រោះដែលមានស្នាក់ស្នាមក្បាលផ្នែកខាងក្រោយ៣កន្លែងជាករណីឃាតកម្ម។
កម្លាំងជំនាញកំពុងស្រាវជ្រាវដើម្បីចាប់ខ្លួនយកមកផ្ដន្ទទៀតទោសតាមច្បាប់៕
