រាជធានីភ្នំពេញ ៖ នៅថ្ងៃទី២០ ខែ១១ ឆ្នាំ២០២៤ រដ្ឋសភានៃព្រះរាជាណាចក្រកម្ពុជា បានបោះឆ្នោតដោយសំឡេង១១២ លើ ១១២សំឡេង គាំទ្រទាំងស្រុងលើការតែងតាំង លោក ប្រាក់ សុខុន ជាឧបនាយករដ្ឋមន្រ្តី រដ្ឋមន្រ្តីក្រសួងការបរទេស ជំនួសលោក សុខ ចិន្តាសោភា ដែលនឹងត្រូវតែងតាំងជាឧបនាយករដ្ឋមន្រ្តី។
គួររំលឹកថា លោក ប្រាក់ សុខុន វ័យ៧០ឆ្នាំ ក៏ជាអតីតរដ្ឋមន្រ្តីក្រសួងការបរទេស ចាប់ពីឆ្នាំ២០១៦ រហូតដល់ឆ្នាំ២០២៣។ នៅក្នុងរាជរដ្ឋាភិបាល អាណត្តិទី៧ និងក្រោយការបោះឆ្នោតជ្រើសតាំងសមាជិកព្រឹទ្ធសភា អាណត្តិទី៥ លោកត្រូវតែតាំងជាអនុប្រធានទី១ នៃព្រឹទ្ធសភា។ ទន្ទឹមនោះលោក ប្រាក់ សុខុន ក៏ធ្លាប់ជារដ្ឋមន្រ្តីក្រសួងប្រៃសនីយ៍ និងទូរគមនាគមន៍ ពីឆ្នាំ២០១៣ ដល់ឆ្នាំ២០១៦ ផងដែរ៕
