ខេត្តកំពង់ធំ ៖ នៅម៉ោងប្រមាណ ២៣និង ២៥នាទីយប់ ថ្ងៃទី ០៥ ខែមករា ឆ្នាំ ២០២៥ នៅចន្លោះគីឡូម៉ែត្រ ១៨៤-១៨៥ ភូមិឬស្សីជៈ ឃុំត្បែង ស្រុកកំពង់ស្វាយ ខេត្តកំពង់ធំ មានហេតុការណ៍រថយន្តមិនស្គាល់អត្តសញ្ញាណ បង្កគ្រោះថ្នាក់បុកមនុស្សស្លាប់ភ្លាមៗនៅកន្លែងកើតហេតុ បើកគេចខ្លួនដោយសុវត្ថិភាព។
សមត្ថកិច្ចបានបញ្ជាក់ថា ទាំងជនបង្កនិងជនរងគ្រោះ មិនស្គាល់អត្តសញ្ញាណដូចគ្នា។ ជនរងគ្រោះបានស្លាប់ភ្លាមនៅកន្លែងកើតហេតុ។ សពត្រូវបានប្រទះឃើញនៅព្រឹកថ្ងៃទី ០៦ ខែមករា ដោយគ្មានការពាក់មួកសុវត្ថិភាព បង្កឲ្យមានការភ្ញាក់ផ្អើលក្នុងមូលដ្ឋាន។ នៅកន្លែងកើតហេតុ មានម៉ូតូជារបស់ជនរងគ្រោះ ម៉ាកឌ្រីម C125 ពណ៌ខ្មៅ ពាក់ផ្លាកលេខបាត់ដំបង 1AS-1730 ត្រូវបានបន្សល់ទុក។
បច្ចុប្បន្ន សមត្ថកិច្ចកំពុងបន្តស្រាវជ្រាវរកជនបង្ក និងសាច់ញាតិជនរងគ្រោះ។ ចំពោះវត្ថុតាងត្រូវបានយកមករក្សាទុកនៅអធិការដ្ឋាននរគបាលសម្រាប់ការស្រាវជ្រាវបន្ថែម។
