ខេត្តប៉ៃលិន ៖ តាមប្រភពច្បាស់ការណ៍មួយបានអោយដឹងថា ដើមឈើតូចធំជាច្រើនដើមស្ថិតនៅភ្នំបង្គ្រួម ភូមិសាស្រ្ដខេត្តប៉ៃលិន ដែលគ្រប់គ្រងដោយមន្ដ្រីបរិសាន្ថខេត្តប៉ៃលិនយាមកាមយ៉ាងតឹងរឹង សព្វថ្ងៃនេះ មិនអោយចេញចូលនោះ កំពុងត្រូវបានគេកាប់ផ្ដួលដេកពាស់ពេញកំពូលភ្នំនោះយ៉ាងអនាធិបតេយ្យ។
តាមប្រភពខាងលើបានអោយដឹងបន្ដទៀតថា នៅចំនុចភ្នំបង្គ្រួម ចំនុចស្ទឹងស្លេវ ភូមិសាស្ដ្រខេត្តប៉ៃលិន ជាដែនជំរករក្សាការពារតំបន់ប្រើប្រាសច្រើនយ៉ាងកំពុងត្រូវបានរក្សាការពារដោយមន្ដ្រីបរិសាន្ដ យាមកាមយ៉ាងតឹងរឹងមិនអោយរថយន្ដ ឬគោយន្ដនឹងមធ្យោបាយប្រព្រឹត្តបទល្មើសផ្សេងៗចេញចូលតំបន់នោះឡើយ! ចុះមូលហេតុអីបាជាដើមឈើតូចធំគ្រប់ប្រភេទ នៅតំបន់នោះរងការកាប់បំផ្លាញយ៉ាងអនាធិបតេយ្យបែបនេះទៅវិញ នេះជាការលើកឡើង របស់ប្រជាពលរដ្នរស់នៅតំនោះ។
ប្រភពដដែលបានបញ្ជាក់បន្ដទៀតថា នៅលើភ្នំនេះគេឃើញសកម្មភាពកាត់ឈើនៅលើភ្នំទាំងថ្ងៃទាំងយប់ សំឡេងម៉ាស៊ីនង៉ោងអាកងរំពងពេញព្រៃ ហេតុនេះអ្នកភូមិនោះដាក់ការសង្ស័យថា បើមិនមានការបើកភ្លើងខៀវពីមន្ដ្រីបរិស្ថានឈរយាមកាមនៅចំនុចខាងលើនោះទេ ក៍ក្រ្មមអ្នកប្រព្រឹត្តបទល្មើសព្រៃឈើទាំងនោះមិនចូលធ្វើសកម្មភាពនោះបានទឿយ! ។
ប្រជាពលរដ្នរស់នៅតំបន់នោះបានសំណូមពរដល់គណ:បញ្ជាការឯកភាពខេត្តប៉ៃលិន មានវិធានការទប់ស្កាត់នឹងចុះសិក្សាស្រាវជ្រាវ ស្វែងរកមេខ្លោងកំពុងបំផ្លិចបំផ្លាញព្រៃឈើ នៅចំនុចខាងលើនោះយកចាត់ការតាមផ្លូវច្បាប់ ជាពិសេសអាចជាប់ពាក់់ពន្ទមន្ដ្រីឈរជើងការពារតំបន់នោះជាបុគ្គលមួយចំនួនតូច ជាមិនខានទឿយ។
ជុំវិញសកម្មភាពកាប់បំផ្លាញចំនុចខាងលើ ក្រុមការងារយើងមិនអាចសុំការបំភ្លីពីមន្ដ្រីជំនាញបានទេ ដោយប្រធានមន្ទីរបរិស្ថានថ្មីមិនទាន់ប្រកាសចូលកាន់តំណែងនៅទឿយ ៕
