អន្តរជាតិ ៖ ប្រធានាធិបតីអាមេរិក លោក Donald Trump បានចុះហត្ថលេខាលើបទបញ្ជាប្រតិបត្តិមួយកាលពីថ្ងៃអង្គារ ដែលតម្រូវឲ្យវ៉ាក់សាំងការពារកូវីដ១៩ ដែលផលិតដោយក្រុមហ៊ុនអាមេរិក ត្រូវចែកចាយដល់ជនជាតិអាមេរិកមុនគេ។នេះបើយោងតាមប្រភពពីសារព័ត៌មាន CNA។
នៅក្នុងការប្រកាសអំពីសកម្មភាពនៅឯសេតវិមានលោក Trump បាននិយាយថារដ្ឋបាលរបស់លោកកំពុងធ្វើការយ៉ាងជិតស្និទ្ធជាមួយប្រជាជាតិដទៃទៀតដើម្បីទទួលបានវ៉ាក់សាំងនេះ ប៉ុន្តែលោកបាននិយាយថា បទបញ្ជារបស់លោកនឹង”ធានាថារដ្ឋាភិបាលសហរដ្ឋអាមេរិកផ្តល់អាទិភាព”ការចែកចាយត្រូវដល់ជនជាតិអាមេរិកមុនគេ។
លោកប្រធានាធិបតីបានគំរាមថា នឹងយកច្បាប់ឆ្នាំ១៩៥០ដែលត្រូវបានគេស្គាល់ថាជាច្បាប់ផលិតកម្មការពារជាតិ ប្រសិនបើក្រុមហ៊ុននានាបដិសេធមិនធ្វើតាមបទបញ្ជានេះ ប៉ុន្តែលោកបាននិយាយថា លោកមិនបានគិតថាវាចាំបាច់ទេ។ បញ្ជានេះអនុញ្ញាតឲ្យប្រធានាធិបតីបង្គាប់ក្រុមហ៊ុនឯកជនឲ្យផលិតសម្ភារៈដែលមានសារៈសំខាន់សម្រាប់ការពារជាតិ។
ការបញ្ជាទិញនេះធ្វើឡើងតែប៉ុន្មានថ្ងៃមុនរដ្ឋបាលចំណីអាហារនិងឧសថអាមេរិក(FDA) រំពឹងថានឹងចុះហត្ថលេខាលើការអនុញ្ញាតឱ្យប្រើជាបន្ទាន់សម្រាប់វ៉ាក់សាំងកូវីដ១៩ របស់ក្រុមហ៊ុន Pfizer ជាមួយនឹងវ៉ាក់សាំងទី២ ពីក្រុមហ៊ុន Moderna ដែលរំពឹងថានឹងអនុញ្ញាឲ្យប្រើប្រាស់ប្រហែលមួយសប្តាហ៍ក្រោយ ។
តាមសេចក្តីរាយការណ៍របស់កាសែត Washington Post បានអោយដឹងថាក្រុមហ៊ុន Pfizer បានប្រាប់ក្រុមមន្ត្រីសហរដ្ឋអាមេរិកថា ខ្លួនមិនអាចផ្គត់ផ្គង់វ៉ាក់សាំងបន្ថែមទេរហូតដល់ខែមិថុនារឺខែកក្កដា ពីព្រោះការកុម្ម៉ង់ទិញពីប្រទេសដទៃទៀតបានកាត់បន្ថយការផ្គត់ផ្គង់។ សហរដ្ឋអាមេរិកបានបញ្ជាទិញវ៉ាក់សាំងចំនួន១០០ លានដូសរួចហើយ៕
